La poesia di Tiziano Cipolla

El Tiziano Cipolla l’à dedicà tanti dei so ani ala rizerca storica del so paes Rufrè e ancia dei bosci, pradi e dosi entorna al paes.  L’à fat el giornalista par el ziornale “Il Trentino” par “Vita Trentina” par la Rai e par autre riviste.

L’ha fat rizerce su la vecla storia de Rufrè e de l’auta Val dei Non e l’à ancia laià le testimonianze scrite, arcante de cheste le è stade trasformade en comedie o trazedie da gropi o compagnie del posto e le è ben servide a far cognoser la storia dei nosi paesi e delle Val del Trentin da tanta zent che no i seva o no i se recordava engot del nos pasà. Tiziano l’à publicià ancia libri e libretti su sti argomenti e fat ciapir come se viveva i secoi endria, dando vita scasi ale nose vecle zenerazion. L’à ancia organiza spetacoi e manifestazion de ricostruzion storica par le nose piaze, en colaborazion de picole aministrazion del posto e ancia en calche teatro della val de Non.

L’à ancia giatà enti vecli libri del 1600 la vecla orizinal mascera nonesa “el Burlapez” e par chesto eren stadi envidadi l’an pasà al Ciarnaval de Viareggio e speran de nargi l’an che ven, dopo il covid.

Ma coi gropi storici en partizipà ancia a manifestazion en Trentin e Alto Ades edoche el Tiziano aidà da na so prima cosina apasionada come el dela vecla storia.

Estra tuti sti meriti e impegni el Tiziano l’è ancia poeta.

Tante so poesie le è stade publiciade su ziornai dei paesi enteresadi, ma ancia de livel Trentin, almen chele scrite, en talian, e par la Val di Non, en tan lenga ladina nonesa. El Tiziano l’è semper stà en gran pasionari del Nones en zeneral e dal paes spezialment.

Le poesie che en zernù ensema al Tiziano l’è propi la descrizion poetica della storia vera, reale dele popolazion enti secoi, spezialment de Rufrè.

Ma l’è na testimonianza reale dele zenerazion dei nosi paesi, spezialment endoche no g’era propi pomari: la storia del popol almen fin a la II^a Guera Mondiale. En chesto la è ecezional la poesia “El ciamp de patate”, na descrizion en puec poetica, en puec lirica e en puec realistica de come se coltivava sti ani i Ciampi de patate che i garantiva par tut l’an el disnar e la zena, ma pù de tut el bon umor “L’è pasa chel bel temp che ne acontentaven del puec che geven de bel”.

Che strani e che voia de tornar endria a canche eren popi o pope dale elementari alle medie: giai i recordi vivi enta testa e entel cor. Ma ancia par la sera le patate le garantiva na bona cena col tortel de patate e che strani de chel che fava le nose mame.

La poesia dediciada al paes de Rufrè i la enventada el Tiziano e so mama, meza poetesa ancia ela. Na descrizion de grant efeto, semplize ma plena de significat e de descrizion naturalistiche, con pueci verbi e parole, ma plena de lirica e de vero amor par el paes, la popolazion, ma amò de pù par i bosci e i bosciati, splazi e i ridi, pradi “che i enghirlanda un angolo di vera naturaleza di esempi di biodiversità e sostenibilità rurale non solo predicato.”